CLARINS SELF TANNING CREAM
السلام عليكم ورحمة الله و بركاته , اليوم الموضوع عن سلف تان سمعت عنه من تانيا بيوتيوب تتكلم انه من افضل السلف تان عندها فحمسني اجربه و خاصة لأن فيه كاكاو
· طريقه استعمالها
نسوي تقشير للجسم عشان الجلد الميت يروح ويصير السلف تان موحد
ما انصح تحطينه بيدج لأن اذا عرقتي تطلع منه ريحة مزعجه انا احطه بالقلفز زي الأسفنج عشان باطن الكف ما يجيه شي ,
تفركينه على كل الجسم , تفادي منطقه المسفط (قدام الكوع) و باطن اليد, خلف الركبه
اذا حطيتي طبقه خفيفه يبيله 45 دقيقه على ما ينشف تماما هو مفروض 10 دقايق بس انا ما احب البس ملابسي و اهو لسه ما نشف شعور الي شي رطب يزعجني لازم اخليه ينشف بعدين البس ملابسي ,افضل وقت تحطينه قبل ما تنامين بعد ساعتين تبدين تشوفينه يغمق ,نامي فيه وقت ما انتي نايمه 8-7 ساعات الون يغمق زياده و يثبت , الصباح غسليه للجسم و وجهج
· رأي عنه
مره حلو الون الي يعطي برونز ما يعطيج لون حرقت الشمس الون البني لا لونه مرره برونز ,
انا لوني حنطي احط طبقه وحده تكفيني يصير لوني برونز بمعنى الكلمه برونز
شفته على ناس بيض لازم تحطين ثلاث الى اربع طبقات و بيطلع لج برونز اذا حطيتي طبقه وحده بيصر برتقالي بس لجسمج ما يصلح لوجهج اذا انتي بيضه لأن كل شوي بتغسلين وجهج 5 مرات باليوم و بيروح الون بيصير برتقالي وجهج وجسمج برونز في من كلارنس سلف تان مخصص للوجه اذا انتي حابه ,صرآحه اذا انتي بيضه ما انصحج فيه لأن بيحوسج و بتسنين مده طويله لثلاث طبقات لتنشف
ريحته خوخ و كاكاو انا مره عاجبتني ريحته , و يغطي العيوب اذا حطيتيه صح يخلي البشرة لون واحد و اهو اكثر شي عاجبني فيه هاذي النقطه "
مرطب قوي يخلي البشره ناعمه,
يضل حوالي5-7 ايام نفس اي سلف تان ,
· السيئ فيه
انتبهي ما يجي على باطن يدج صج ريحته حلوه بس اذا جا على يدج و عرقتي تطلع ريحه ثانيه مو حلووه ابدا
يطول على ما ينشف .
من سيفورا
سعره 200 ريال
القلفز من صيدلية بوتس
