التخلص من الشعر تحت الجلد *.*
THESDAY.JULY 9, 2013
بسم الله الرحمن الرحيم ..
اهلين حبايبي شخباركم انشاء الله بخير و مبارك عليكم الشهر الله يجعلكم من صوامه و قوامه يا رب :*
اليوم التدوينه عن الشعر تحت الجلد و رؤس سوده كثير من البنات عندهم نفس المشكله وانا كنت وحده منهم الحمد الله
تخلصت منها طبعا في اكثر من نوع للشعر تحت الجلد , النوع الي نتكلم عنه الشعره تنمو و ترجع تدخل تصير نفس القوس ,
أولاً.. نوع بشرتي جافه و الشعر قليل نفس ما قلت كان عندي شعر تحت الجلد وكان خفيفه هاذا بالنسبه للساق واليد وصراحه
انا ما استحمل اشوف اي شعر بجسمي اول ما يطلع على طول تقشير و اشيله
الي زي كذا سهل التخلص منه لأن جزء من الشعره طالع حتى لو مسكتي الملقط يمديج تشيلينه بس طبعا ما راح تقعدين بالملقط
شعر شعره , و في النوع الي الشعر تضل داخل الجلد وتلتف فتصير نفس الحبوب صعب تطلعينه ممكن نقول مستحيل لانج ما تشوفينها
اصلن داخل الجلد , اذا عندج هاذي المشكله لازم عيادات جلدية , اغلب الناس عندهم النوع الي يروح بالتقشير
مقدمه طويله يالله ندخل بالموضوع اول شي اسويه التقشير
sanctuary hot sugar scrub
كلام الشركه عن المنتج :
Our famous thermal scrub for deeply cleansed and super-refined skin. Its one of our award-winning treatment with thermal zeolite providing a warming burst as you massage that helps to open pores for a deeper but gentle cleanse.
Detoxifying kaolin clay draws out impurities while the fine organic sugar buffs away dead cells. The result is refined, smoooth, velvet-soft skin
المعنى: ان السكرب يطهر الجلد بشكل عميق و انه من احد منتجاتهم التي حصلت على جائزه
و ان الماده زيوليت الحراريه كل ما دلكتي تساعد على فتح المسام لتطهير اعمق و ان طين الكاولين يسحب الشوائب
و السكر العضوي يبعد الخلايا الميته فالجلد يصبح مخملي وناعم
رأي عنه : من كم استعمال ولاحظت ان بشرتي صارت افضل و بدا الون يتوحد لأن الجلد الميت تحسينه راح شعور
النظافه جميييييييييل ريحته نفس ريحت السبا او شامبو الفنادق هاذا الشي الوحيد الي ماعجبني ياليت ريحته حلوه نفس
منتجات سوب اند قلوري عاد ريحت الماركه لا تقااوم
اهم شي راح الشعر تحت الجلد والرؤس السوده اول ما استعملته حسيته حار مو حار يحرق لا دافي استغربت عبالي من
الماي بس المره الثانيه استوعبت ان المنتج حار يعني لو دخلتي اصبعج داخل العلبه تحسين بالدفا لما قريت كلام الشركه
عن الماده زيوليت الحراريه توضح الموضوع لي بس لأنه دافي يعطي شعور السبا , انتبهي ما يجي الماي داخل السكرب
وانتي بالشاور كل ما كان اثقل كل ما نفع اكثر
استعمله مع القلفز من بادي شوب مع السكرب برفكت يقشر الضعف يعني القلفز مهم قد ما السكرب مهم
بعد الشور استعمل فرشة للتقشير الفرشه تستعملينها و بشرتج جافه نفرك البشره فيه على الخفيف ما نبي نأذي بشرتنا تونا
مسوين لها تقشير بالشور
على الخفيف بشكل دائري يساعد كثير على الرؤس السوداء وحتى لو ما عندج رؤس احس مهمه هاذي الفرشه لكل أنثى
تخلي البشره نظيفه طبعا بتصير جافه بعد التقشير بالفرشه
sanctuary body butter 300ml
آخر خطوه اهي الترطيب لما رحت اشتري السكرب شريت هاذي البادي الا الحين عاجبتني لسه ما خذت فكره وافيه عنها ريحته افضل من
السكرب تضل شوي ريحت سبا
بالعاده البادي بتر تطول على ما تنشف هاذا ينشف اسرع من الكريم العادي وعجبني قوامه كريمي اثقل من المرطب العادي و اخف من
البادي بتر قومه يجننن يعني حلو شعوره على البشره , انصحكم بالسكرب و باقي الأشياء بس البادي بتر لسه مو متأكده منه ,
اذا بشرتج حساسه يكون افضل لو استعملتي مرطب غير معطر يمكن تحسين بتسوين اشياء واجد لأننا نشرح كل شي بس
خذيها بكل بساطه بقشر جسمي بالسكرب مع القلفز بعدين بالفرشه و اخر شي برطبها هاذا الروتين جميل بشرتي تصير
صافيه و انعم مره عاجبني
نهاية البوست ان شاء الله عجبكم *.* بليز اذا راقت لكم مدونتي حياكم في اي وقت وبليز تشتركون فيها بس روحي عند
و اضغطي و اشتركي بحسابج بالتوتر او قوقل او ياهو .
my twitter @RawanibrahimB
sanctuary hot sugar scrub 550G ريال95 صيدلية بوتس
sanctuary body butter 300ml 70 صيدلية بوتس
botanics detox brush 50 صيدلية بوتس
القلفز من بادي شوب ناسيه يمكن 30 او 20
Have a nice day ♥
مع السلامه
