تجهيز للشتا
Thursday.october 10, 2013
السلام عليكم ورحمت الله و بركاته :*
حمد الله خلص شهر سبتمبر ودخلنا بجو الشتاء...يعني مهما اوصف ما تصدقون قديش مشتاق للشتاء و اجواءه بالنسبه لي هو افضل فصل , اكيد راح يكون في المدونة موضعات كثير احس في مخي اكثر من موضوع للشتاء من كثر ماني متحمسه له فاليوم راح اتكلم عن تجهيز للشتاء :
اول : شي الترطيب مع تغير الجو نعاني من جفاف انا اول خذت 3ستب من كلنيك صراح ما عجبني الا الكريم حلو الغسول صرت استعمله اشيل الميك اب فيه اذا كنت حاطه كثيير اذا عندج جربيه للميك اب حلو و التونر ما استعملها ضليت استعمله شهر ولا شفت اي نتائج بس الكريم شي ثاني مررره عجبني ترطيبه عالي و خاصه انا بشرتي جافه و بعض الاحيان احسها تتقشر اذا حطيت الكريم يروح التقشر على طول من تمتصه بشرتي, و خاصه انه طبي اذا عندج جفاف و حطيتي كريم معطر , كلنا جربنا الحرقان هههههههه , بعد الكريم احس بشرتي مرره ناعمه و مرطبه ,
ثاني : شي هم بعد مرطب لليد من كرستيان اتوقع الكل عارفه من كثر ما هو مشهور انا استعمل الحجم الصغير دايم بشنطتي ترطيبه مررره حلو تحسينه ثقيل بس بسرعه تمتصه البشره ,
ثالث : شي عطوور و مين ما يحب البخور و العود بالشتاء ادماان بمعنى الكلمة انا اذكر السوالف بالريحه شتا بدون عطر ما يكمل , حقين منتوال مره حلوين الاحلى ان اكثر من نوع في بلاك عود و انوع كثير تناسب اكثر من ذوق الي عندي روز مسك لما يبرد شي مرره حلو و تقعد ريحته اذا كثرتي يصدع الراس من كثر ماهو قوي بس الريحه لا تقاوم *-*
رابعا : إي أو أس مرطب لشفايف انا اول ما شفته عجبتني العلبه كيوووت
خامسا : حتى لو معاج مرطب لشفايف مستحيل الاستغناء عن الفازلين مهما اجرب منتجات ارجعله احطه حول الشفايف و الشفه نفسها اي يو اس
سادسا : المناكير , في الشتا و الالوان الغامق بالنسبه لي تحلي اليد و هاذا وقتها احس المناكير تدخلني بجو الشتا , بعض المناكير الي احبهم :*
في من opi شبيه له اسمه panda monium pink
Love & Acceptance
Who is the Boss
Bobbing for Baubles
OPI Red Lights
opi parlez vous
galaxie 992
وفي من opi لون مرره احبه بس ما لقيت صوره توضح لونه مظبوط اسمه purple with a purpose
سابعا : اخر شي الارواج بعض الي احبهم , احطهم حتى بالصصيف من كثر ما احبهم
MAC :Lipstick in Rocker
rimmel: kate moss 107
كل شخص له طريقته ممكن تسعدين نفسج بنفسج و تعشين عمرج جو هههههههه مو لازم دايم احد الي يسولج ممكن تاخذين الي تبين من الي كتبتهم او تزيدين اشياء من عندج مدامج تحبينها و اهم شي تسعدج , بالنسبه لي اسولي شي دافي اشربه و احس بشرتي ناعمه و كذا شعري نظيف و كفايه اقعد اشوف فلم و بطانيه دافيه كذا انا اكون في قمت الروقان عشان كذا الشتا احب فصل على قلبي .
ان شاء الله عجبكم موضوع اليوم , مواضيع جديده راح تنزل قريب .
مع السلامه ❤
